一個廣州靚女

琴日，有個女仔叫我幫佢介紹男朋友。以下系對話：

MM：幫我介紹男朋友啦。

ME：你之前果個呢？對你幾好嘎，散咗咩？

MM：對我系好好，不過無錢，份工無前途！我同佢分咗啦。

ME：咁你想揾點樣嘎？咩條件啊？

MM：唔使好靚仔，要人好，最重要系有錢！

ME：咁幾錢先叫有錢？幾錢符合你要求？

MM：肯定有車有樓啦，有公司，要寶馬或者BENZ，

ME：哦，我識得好多，我哋D車主基本上個個都開公司，而且我哋D車唔差得過寶馬同BENZ

MM：咁你唔介紹我識？

ME：介紹俾你啊？果D人要求好高，要夠靚要夠高仲要有氣質。我見到人地D女朋友都系模特兒啊、明星仔啊或者好有氣質嘅OL，咁喔。

MM：我自問都系靚女啊！

ME：但你企埋人地果個圈子呢？

MM：咁你即系踩我嗟？系咁啦，唔想同你講！

其實唔系我想踩你，系你唔踩唔得。

我要踩你，都要你訓系度嘎，你企得高企得直的話，試問我又點起到腳呢？

呢個世界，好多女人中意扮上菜，或者妄想自己系上菜。

你想揾找個身家一千萬，你自己至少也該有一百萬去襯返人嘎。當然，我嘅意思唔系指

確切嘅錢，而系資本。

你嘅才華、品格、樣貌身材、氣質談吐、知識閱歷等等都系做上菜嘅資本。

好多女人，一直嘆揾唔到好條件嘅男人。

關鍵系，你為咗得到你想要嘅你做咗幾多準備？你有幾多資本？你遇上一個好男人，你

憑乜野去獲得對方贊賞？

呢D，都要靠自己！

有男人對你好嘅時候你，你挑三揀四，吊高黎賣。當你覺得你個男人無前途嘅時候，系

咪都檢討下自己有無資本呢？

當你自己有資本嘅時候，更有資本嘅男人自然會揾上門，使咩你自己揾得咁辛苦嗟。

記住，上菜通常都唔外賣嘎！

好似我呢個女性朋友咁，覺得自己系上菜，要金盤玉盞先配得起，咁嘅話，只能慢慢等，等到變隔夜菜咯。

一個自身唔努力，旨意曬個男人嘅女人，就算幾靚，都只能得到男人嘅歡心同錢，永遠得唔到愛同尊重。

呢個社會無論男女，個個都好現實，無人唔想過更好嘅生活，揾到條件更好嘅伴侶。

只不過男人無女人咁幸福。

男人知道，我要得到呢一切，必須要自己去努力揾錢去實現。

這篇有關于一個廣州靚女(一)的文章，就為您介紹到這里，希望它對您有幫助。