“篤篤篤篤篤……” 翸岫雞母幔一塊圍巾從后門行入來。

“喂，今仔天光即箍翸岫雞母佫開一頂白色的小車來吶！”

“我嘛會開！”

“儂伊買車啰吶！”

“阮嘛卜買車啰！”

“哇！有影無？汝拙有錢啊！”

“汝嘛是坫別墅的儂！嘛是有錢儂！佫說甲拙可憐。”牛仔扌舉一張面巾那拭鼻水那用目角瞭一下講甲笑微微的豬仔。

天時袂歹，窗仔外口的芭蕉箬輕輕仔搖來搖去，若親像麥兜眠夢里的椰林樹影耳。

“豬仔，咱來去鄉下掠水雞哦！一月日趁兩萬！來去行致富之路！哈哈哈……”牛仔用力將鼻拭一下，共面紙大大力挕咧糞埽桶里，越頭共豬仔的手搝咧。

豬仔坐甲神神看窗仔外口：“麥兜！”烏白枋豬仔說：“麥兜的眠夢是啥？坐飛機去迄個啥乜所在啊？”

“嘻嘻嘻嘻，馬、爾、代、夫！！！藍天白云、椰林樹影、水清沙白！坐落于印度洋的世外桃園……”激動仔學麥兜一字一字說話的牛仔說：“規氣共恁厝內改做文藝青年客棧！”

“好勢啊！所在佫有夠大乎！汝則來共我相共！”

“嗯！我卜規日倒咧床咧困到家已醒，抑是無代志的時陣倒佇床咧膏來膏去。若無，就畫儂仔圖，看冊，栽花做花茶，家已釀葡萄酒。則親像西街美好小酒館按呢叫蔡先共亻因畫儂仔圖。好天的時陣，我卜穿我迄領媠媠媠的比基尼倒咧䖙椅日光浴……”

“佫俶哦！我來去載一車溪沙苴咧埕咧，當做海灘。位迄搭插幾支大雨傘，下幾塊䖙椅，位墻街掛一大幅大海的圖，風扇仔開咧當海風，汝若卜日光浴，日光燈則開咧曝汝！”

“嗯。恁厝邊有田無？”

“無啰！無袂要緊！我則位另外一堵墻街掛一幅田園的圖。位邊頭搤一窟仔池仔，傳汝規日坐咧迄位做掠水雞的夢！” “嘿嘿嘿……”“毋久佇拙遠，哪有儂知來坫啊？”

“汝就買一頂車，免費接送儂客啰。按呢生理一定誠好的！”

“有影都著！創甲若親像廈門的懷客棧乎？”

“嗯，按呢，汝嘛是有車有房有錢的頭家娘啰！”

“哈哈哈哈哈哈………………”

這篇有關于閩南語文章閱讀：眠夢的文章，就為您介紹到這里，希望它對您有幫助。